المهندس توفيق ميخائيل يكتب: تعرف فلان؟

تعرف فلان؟ طبعا أعرفه . دا جارى، دا زميلى. ياما شفته، ياما قابلته فى الشارع أو فى المواصلات: كتير سمعت عنه أخبار وحكايات.
طيب عاشرته. عاملته، أخدت واديت معاه ؟ عرفت إيه اللى يزعله وإيه اللى يفرحه؟ إيه اللى يرضيه وإيه اللى يغضبه. عرفت طبعه وإيه اللى بيضمره وإيه اللى بيعلنه؟
جربت مرة يقضيلك خدمة أو تقضيله مصلحة؟
عرفت إزاى بيتصرف اما يبقى صاحب مصلحة وإزاى بيكون لما هو يكون هو صاحب السلطة قى قضاء المصلحة ؟ .
لو كنت مش قادر تجاوب بنعم تبقى لسه ماتعرفوش.
معرفة الناس مش بالوشوش واللى فى القلب فى القلب كامن وساكن طول ما البنى آدم محكوم ويبان ويظهر لما فى السلطة يكون.
وقديما قالوا فلان غيرته السلطة فلا يستحقها.
عشان الواحد يقدر يقول بعرف فلان لازم يكون بين القلوب معرفة وقبول مش جفا وبعد ومسافات تطول.
لقد خلقنا الله أمما وقبائل لنتعارف.