سيد أحمد الهمشرى يكتب: قولوا لمعالى الرئيس

قولوا لمعالى الرئيس مد الخطاوى حبــــــــــــه
الثوره متأخره سنه وكمان حبــــــــــــــــــــــــه
وطريقنا لسه طويل مشينا فيه خطــــــــــــــــوه
ضربت ضربه وفاض لك خمسميت ضربــــــه
...
قولوا لمعالى الرئيس طريقنا لسه طويـــــــــــل
وانا ممكن امشى معاك طول النهار واللــــــــيل
وشويه امشى وراك وشويه قدامــــــــــــــــــــك
بس المهم يكون العلم لينا دليــــــــــــــــــــــــــل
...
قولوا لمعالى الرئيس اجرى ودوس بنزيــــــــــن
عايزين نحصل زمن سافر بقاله سنيــــــــــــــــن
عايزين نحصل كمان امريكا واروبــــــــــــــــــا
ونلحق اللى سبق زى اليابان والصيــــــــــــــــن
...
قولوا لمعالى الرئيس فين خطة التغيــــــــــــــــير
عايزيين بقه نشتغل احنا لعبنا كتــــــــــــــــــــــير
انهض بمشروع كبير ولمنا حواليـــــــــــــــــــــك
عايزين نشوف مصرنا عايشه فى حلم كبـــــــــير
قولوا لمعالى الرئيس الحرب مش بالجــــــــيش
الحرب بالسنبله ودبابات العــــــــــــــــــــــــيش
الحرب بالميه ورشها عـــــــــــــــــــــــــــــداوه
خايف فى يوم النيل للشرب ميكفيـــــــــــــــــش
...
قولوا لمعالى الرئيس والله معجب بيــــــــــــــك
وانت فى صفوف الصلاه جنبى ولازق فيــــــك
ورفعت ايدى لرب العرش ادعيــــــــــــــــــــلك
يارب مايجينى يوم القانى بدعى عليـــــــــــــــك
...
قولوا لمعالى الرئيس عايزك من الاخــــــــــوان
وسلفى او سنى أو شيعى كمــــــــــان
انا المهم اشوف مصر فى حبابى عينيــــــــــــك
واشوف جميع الوطن عايش معاك فرحـــــــــان
...
قولوا لمعالى الرئيس ربنا يحميــــــــــــــــــــــك
من كل عين تحسدك او عين تبص عليـــــــــــك
وماشوفش جنبك كتيبه وجيش من الحــــــــراس
قادر كريم ربنا يحط سره فيـــــــــــــــــــــــــــك