احلم.. واوعى تضيع حلمك
احفظ حلمك.. اكتبه.. ارسمه.. احلم بيه وانت صاحى ولما تنام نام عشان تصحى تحققه.
خليك دايما عارف انك أصل مش صورة وانك جى هنا عشان تعمل فرق وبصمة تفرق فى الدنيا، وتساعد اللى بعدك يكمل وظيفتك ووظيفته فى الدنيا اللى هى إعمار الأرض.. قلبك عايش جوه حلمك الحقيقى، ويوم ما تكتشف حلمك الحقيقى هتعرف إنك طول عمرك عايش بدون قلبك.. هتلاقى قلبك حاضن حلمك خايف يضيع منه فيموت.. وهتحب نفسك وهترضى عن حياتك وهترضى عن ربك وهتشتغل عشان ترضيه بجد.
لو سألتك إيه الحاجة اللى ممكن تعملها فى الدنيا من غير فلوس، وتفضل صاحى عشانها، وتشتغلها 20 ساعة فى اليوم وتشتغلها بدون مقابل غير إنك مبسوط هتقول إيه؟
إذا عرفت تجاوب على السؤال ده، يبقى عرفت إيه حلمك اللى عايش جوه قلبك.. امسك فيه باديك وسنانك.. اوعى تسيبه.. لأنك كده عرفت سر سعادتك وطريقك للجنة ومتخافش وقتها الفلوس هاتيجى لوحدها، وهاتاكل الشهد من حلمك.. أصل قلبك عايش جواه فهتشتغل بقلبك، وبكده تبقى عرفت طريق جنتك فى الدنيا والآخرة.. وأهم حاجة تخلص النية أصل قلبك فى إيد ربك.. يلا ابدأ دلوقتى احلم.. فكر.. جاوب على السؤال.. دور على قلبك.. هتلاقيه حاضن حلمك.. اكتب حلمك وخليه قدامك.. ارسمه.. خليه حياتك هتلاقى طريقك لجنة الدنيا والآخرة اترسم قدامك..
يلا ابدأ دلوقتى.
أحمد عبدالحميد ريحان يكتب: "احلم.. واوعى تضيع حلمك"
الثلاثاء، 25 سبتمبر 2012 01:00 م
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
محمد حبيب
موفق
موفق وبجد كلامك جامد
شكرا
عدد الردود 0
بواسطة:
أبو الكرم
النقر بأنامل الحب
عدد الردود 0
بواسطة:
noha
you are right and i hope men allah tahkek helme