مصطفى الجندى من عابدين: "دستور الإخوان" باطل لأنه يكتب فى الخفاء

قال مصطفى الجندى، النائب السابق خلال كلمته بمؤتمر التيار الشعبى بميدان عابدين: "أنا جاى زى كل واحد فيكو عديت على أمى قبل ما تنام، وقلت لها يا ما أقول إيه، قالت يا رب جمع ما تفرق وقالت ما تقسوش على الإخوان".

وأضاف النائب السابق: "وأنا قلت لها يا ما إحنا مبنقساش والشيلة دى ماينفعشى يشيلها فصيل واحنا بنقول لهم إحنا الشعب بنعرض نفسنا معاك يا حاكم علشان نشيل معاك لابد أن يكون فيه دستور يريح الشهيد فى بيته".

وتابع "الجندى": "جمعيتكم التأسيسية الإخوانية باطلة، لأن مفيهاش ابن البلد ودستورهم باطل، وأقول للدكتور مرسى أن الدستور الذى يصنع فى الخفاء بدون إرادة الشعب المصر هو دستور باطل".