فيسبوك
واتساب
أنا صوت الماضى..
إللى كتب عنك وعن الأعادى ...
إللى غاب يوم ماغبتى...
ومات يوم ما بوستى الأيادى...
إللى بكى وهو شايفك بتبيعى فى ولادك...
وشيبتى وإنت لسا فى شبابك...
أحب تعرفى إنك أغلى من ولادى...
***
يا مصر ياحرة اصرخى طلعى الحرامية برة .
أنا صوت الماضى وعارف أنها مش أول مرة...
بتغيبى وترجعى تهتفى الثورة مستمرة ...
وبتبقى جهنم لكل حرامى عرة ...
***
طول تاريخك وإنت من محتل لمحتل ...
بتناضلى وتقاومى لحد ما الميزان اختل ...
أنا صوت الماضى وبفكر إيه الحل؟ ...
بس من كتر التفكير الواحد مل!! ...
***
يا بلدى طول عمرك مطمع ...
المحتل يجى يبقا مش عايز يطلع ...
وعسكرك بايعك وبيسيبك ويخلع ...
أنا صوت الماضى مستحيل عن حبك أرجع
صورة أرشيفية
