سيد أحمد الهمشرى يكتب: قولوا لمعالى الرئيس

قولوا لمعالى الرئيس يوماتى هكــــــــــــــتب لك
علشان شريكك انا فى الحكم وبحبـــــــــــــــــــك
واجب عليه ابلغ شكوتى لمعاليــــــــــــــــــــــــك
وتحس انى كمان قلبى على قلــــــــــــــــــــــــبك
...
قولوا لمعالى الرئيس هتصلى بكره فيـــــــــــن ؟
انا عايز اسلم عليك بالقلب قبل العيـــــــــــــــــن
ولو انى يعنى الحرس هيذوقنى لبعيـــــــــــــــــد
ومش بعيد فى الزحام اخد كمان قلميـــــــــــــــن
...
قولوا لمعالى الرئيس انا سنى من سنـــــــــــــك
وليلاتى ابات معدتى فاضيه بعيد عنــــــــــــــك
ياريت يا باشا تخلى السفرجى بتاعــــــــــــــــك
ليلاتى يبعت لنا اللى يفيض منـــــــــــــــــــــــك
...
قولوا لمعالى الرئيس انا اصلى مبشفــــــــــهوش
وكمان حرس حضرته خلونى مادخلــــــــــــوش
قولوا له اهل الصحافه زعلانين منـــــــــــــــــك
ناويين كمان حضرتك بكره مايشتغلـــــــــــــوش
قولوا لمعالى الرئيس ازرع لنا الغلـــــــــــــــــه
وبلاش بلد اجنبى يمسك لنا زلــــــــــــــــــــــــه
واللى ميزرعش طبق الغرامه عليــــــــــــــــــه
واقطع ايدين اللى يزرع لب وفراولــــــــــــــــه
...
قولوا لمعالى الرئيس (اسلام عفيفى) بــــــــرئ
ايه يعنى قال كلمتين مثلا فى ساعة ديـــــــــــق
فيه الف جرنال معاك ممكن يردوا عليـــــــــــه
ومفيش لزوم للصحافه نعملوا تحقيــــــــــــــــق
...
قولوا لمعالى الرئيس وحشنا التحريـــــــــــــــر
من يوم ما سبنا الميدان بعدنا عنه كتيــــــــــــر
ونسينا اهداف كتير طالبنا بيها زمـــــــــــــــان
ونسينا ان النظام محصلش فيه تغييــــــــــــــــر