فيسبوك
واتساب
اصحى يا نايم ـ ـ وحد الدايم
يلا ع الميدان
بعد العشا والسنة والتراويح
بعد الخـشوع والطهر والتسابيح
يحلى الكلام واللمة والدردشـة
حبة سياسة على حتـة قطايف
حتة كنافـة على حبة نـقاش وجدال
الكـنز راحة البال
والنـفس سامحة وسابحة ف الملكـوت
يا صاحب العرش يا مقسم الأرزاق
يا رازق الدودة ف قلب الحجر
وبترزق الطير اللى سابح ف الفـضا
وبترزق العبد اللى صالح واللى طالح
أنا عبدك وطالب رحمتك والعون
إفتح لى باب الرزق
إرزقـنى حكـمة مش طالب لا مال ولا جاه
ولا شدة المعاناة
إرزقـنى صبر الصالحين
علمنى أكـون م المخلصين
أصبر على همى وأشيل هموم الناس
وأعوذ بك من شر الوسواس الخـناس
إصحى يا نايم ـ ـ وحد الدايم
يلا ع الميدان
مسحراتى
