سيد أحمد الهمشرى يكتب: جفف دموعك يا وطن

جفف دموعك يا وطـــــن كتر الدموع مش راح يفيد
لملم جراحك وابتســــــــم وافرح مع الفجر الجديــــد
لسه ولادك فى الميـــــدان بالعزم اللى كان زمــــــان
وكل واحد منـــــــــــــــهم ناوى يكون اول شهيــــــد
...
جفف دموعك يا وطــــــن لسه الطريق للنور طويـل
نوّر شموعك كلهــــــــــــا الدنيا لسه فيها ليــــــــــــل
وطريقنا فيه الشوك كتيـــر لكن عليه لازم نســـــــــير
علشان مفيش لينا اختيــــار ولا فيه عن الاصرار بديـل
...
جفف دموعك يا وطــــــــن وافتح عيونك للحيـــــــــاه
انا عارف ان الصبر عندك والالم جاوز مــــــــــــــداه
عارف كمان انك كبيــــــــر عارف كمان انك خطـــــير
عارف كمان انك زمـــــــان حطمت أحلام الطغـــــــــاة
...
جفف دموعك يا وطـــــــــن الكلب مش هيكون اســـــــد
ولا الأسود وسط الميـــــدان ممكن تبيع دم الولـــــــــــد
اللى وقع بينهم شهــــــــــــيد وعنيه على الفجر الجديـــد
اللى منوّر بالامـــــــــــــــــل طالع على كل البلــــــــــــد
جفف دموعك يا وطــــــــــن ليل الالم مش راح يطـــــول
والبرص مش هيكون اســــد والجرز مش راح يبقى غول
لسه الدراع فينا عفــــــــــــى قادر على اللهو الخفــــــــــى
هانهد أوكار الديابــــــــــــــة والعصابة والفلــــــــــــــــول
...