سيد أحمد الهمشرى يكتب: الوطاويط

صلطح وملطح وعُكشه نزلوا فى المياديــن
معرفش مين وزهم واللى بعتهم ميــــــــــن ؟
خايف عليك يا الميدان بعد ما حررنـــــــاك
تصبح مغاره وغرز للباعه الجائليــــــــــــن
......
خايف عليك يا الميدان تانى تضيع منـــــــى
من بعد ثلاثين سنه عشقك ومستنـــــــــــــى
سهرنا فيك الليالى بطولها ولا نمنـــــــــــاش
وصابنى فيك الرصاص فى القلب والننـــــى
......
خايف عزيمة الولاد بعد الجهاد ترتـــــــــاح
خايف اشوف الشيطان وسط الميدان ســواح
خايف الاقى السهر والدم راحوا بـــــــــلاش
وانا لسه دمى طرى وعنيّه فيها جـــــــــراح
......
سهرت الف فى يناير اسحر الصائميــــــــــن
ومشيت فى كل البلد انده على النايميــــــــــن
ودعيت وربك قبل الدعوة من مظلـــــــــــوم
رافع ايديه للسما وصابر بقاله سنيــــــــــــــن
......
يا رب مش كل مرة أبات أنا المغلــــــــــــوب
وفى الفطار والغداء آكل انا المعطــــــــــوب
وامشى عدل وانت شايف كنت ماشــــى ازاى
والدنيا يا رب ماشيه معايا بالمقلـــــــــــــــوب
......
يارب لاجل النبى وصاحبه متخزلنيـــــــــــش
و من نجاح ثورتى بفضلك متحرمنيــــــــــش
وعشان شباب انظلم ومرمى فى الزنازيــــــن
زنبه فى رقاب الحكومه و الرئيس والجيــــش
......
يا رب واسخط كمان عكشه وزعيط ومعيــــط
و كل وطواط غبى لابد لنا فى الحيــــــــــــــط
يا رب انصر بفضلك مصر والثـــــــــــــــــوار
واكفينا شر النوّر والخوّنه والوطاويـــــــــــــط
......