طارق عليان يكتب: مسحراتى الثورة (11)

الجمعة، 03 أغسطس 2012 03:54 م

صورة ارشيفية

اضف تعليقاً واقرأ تعليقات القراء

اصحى يانايم ـ ـ وحد الدايم
يلا ع الميدان
يا رايح العمـرة
ادعـيلى عند الحرم
بالسـتر والرحمة
نـفسى تاخدنى معاك
أغـسل ذنوبى بحبة مية من زمزم
وأصلى جوة الحرم
والكـعـبة أبكـى بـين ستايرها
والرحمة أطمع ربى يرسـلها
بـين الصفا والمروة قـلبى يـسبقـنى
يسعى سبع أشواط قبل الرجل متـخطى
يارايح العمرة
بلغ سلامى للحبـيـب المصـطفى
شوقى لرؤياه ما إنطفى
قوله فـقير من أمتـك
عايز يكـون جنبك
عاقد وعازم نيته زيارتك
طمعان ف شربة مية من إيدك
يوم الحساب والعـطش
إصحى يا نايم ـ ـ وحد الدايم
يلا ع الميدان