صورة أرشيفية
مشاركة
اضف تعليقاً واقرأ تعليقات القراء
عم يابتاع الكحك
يااللى فاتح جنب بيتنا تحت
ريحة عمايلك جرت ريقى
وفتحت نفسى من يوم ما فتحت
عم يابتاع الكحك الساده
إدينى كيلو وإتوصى بزيادة
وياريت من غيرما تفكر تزود عليه السكر
وتتوصى بيّا ربنا مايقطعلك عاده
عم يابتاع الكحك المحشى بالملبن
إدينى كيلو منه ولاّ أقولك إدينى بالعجوه أحسن
ولاّ أنت إيه رأيك خد ف الكلام راحتك
الكحك بالملبن ولاّ بالعجوه أطعم
عم يابتاع الكحك خلى عندك رحمه
ورخص أسعارك شويه كحكك مش محشى لحمه
شوف أسعارك السنه دى خلت محلك فاضى
ده أنت لورحت محل جزار هتلاقيه عنك زحمه
مشاركة
