فيسبوك
واتساب
اصحى يانايم ـ ـ وحد الدايم
يلا ع الميدان
مفيـش حرية مجاناً
ولا منحة ولا صدقـة
ولا فرمان من السلطان
ولا بتـنـزل مع المطرة
مفيـش حرية بالتـقـسيط
ولا حرية بالتـنـقيط
مفيـش حرية يوم السبت
وباقى الشهر عبودية
أبـيع عمرى فدا حرية الأوطان
أبـيع عمرى ولا مصرى يـبات متهان
ولا عريان ولا دمعة على خده
ولا جلاده يسخر منه
من جزره ومن مده
أبـيع عمرى فدا بلدى
ويرخص عمرى ولا يسوى
ويلزم له نون النسوة
لو إستـخسرته ف بلادى
إصحى يا نايم ـ ـ وحد الدايم
يلا ع الميدان
صورة أرشيفية
