إصحى يانايم ـ ـ وحد الدايم
يلا ع الميدان
ريسـنا يا ريس
إمسـك بدفـة مركـبك
والثورة مجـدافك
والبوصلة قـلب الوطن
مصلحته أهدافك
عـدينا من بحر الصراع
ع السلطة والتورتـة
قـلب الوطن موجوع
مش حمل تانى رجوع
للظلم والتوهة
من فوق سفينـة نوح
إنده على ناسك
قبل العيون ما تبوح
والغـدر ريحته تفوح
نـغرق ف موج عاتى
ف الماضى والأتى
ريسـنا يا ريس
إمسـك زمام مركـبك
عـدينا من جو الكآبة
خليك إجابة
لبحور من الأسـئلة
ملهاش إجابة
خليك كـتاب مفـتوح
كل العـتاب مسـموح
من غير سباب ولا ذم
ولا إسـتباحة دم
إصحى يانايم ـ ـ وحد الدايم
يلا ع الميدان
مسحراتى
مشاركة
اضف تعليقاً واقرأ تعليقات القراء
مشاركة
