السيد عبد الكريم أحمد يكتب: المكمل راح وانزاح

خير اللهم اجعله خير
نور ليلة القدر ظهر فى الأفق ولاح
أخيرًا المكمل راح من وشنا وانزاح
من يوم ما ظهرت يا مكمل
كدرت صفو الجو العام
وامتلأ الميدان بسببك صياح
تطاولت على الشرعية خليتها سداح مداح
عمرك ما كنت شرعى
لأنك جاى من سفاح
عطلت ركب السفينة
لا قائدها عرف يقود.. شليت إيد الملاح
يلا خد بنودك معاك
وارمى نفسك فى أى ترعة أو أقرب ريَّاح
وإلا حاوقفك فى ميدان عام فى العتبة أو السواح
واللى له خطيئة سياسية يرميك بحجر
يكفر عن ذنبه علشان ضميره يرتاح
لم أجد لك معنى واضحًا
فى المعجم الوسيط أو مختار الصحاح
شايف فى عيونك أسى
كنت فاكر حنمنحك وسام أو نلبسك وشاح
اللى اختشوا ماتوا خسارة فيك النواح
(أنا المكمل أخطأت فى حقكم أطلب منكم السماح)
اتفضل خد الباب معاك عاوزين نرتاح
قالوا الرئيس إيده مغلولة
ولا منتظر منه أى صلاح
تخرس الألسنة وتبطل عويل ونباح
ومهما طال الليل لابد أن يأتى الصباح
الطير اللى كان امبارح يدوب منبت ريشه
اليوم أصبح له على كل جنب جناح
واللى كان امبارح بيهمس فى كلامه
اليوم أصبح صوته عالى صداح
والرئيس صلاحياته رجعت له
والقرار بإيده سهل ومتاح
وبعد أن تم وأد المكمل
ياريت سيادتك ترفع لنا الكهربا كام وات
علشان المروحة تشتغل وينور المصباح