هز الهلال يا "مرسى" وكشر حبتيـــــــــــن
وامسك طرف العصايه ماتسبهاش بين وبين !
وكشر عن نيابك وارجع لزمن شبابـــــــــــــك
الجحر فيه ديابه وحيه وعقربيــــــــــــــــــــــن
......
هز الهلال يا "مرسى" وامسك سيف القانـون
وسيبك م المحايله وخلى اللى يكون يكــــــــون
الشعب وراك مساندك ومين يقدر يعانـــــــدك ؟
حاول تجمد شويه وحمّر العيــــــــــــــــــــــون
......
هز الهلال يا "مرسى" ورجع المصانــــــــــع
ورجع الاراضى وحولها مــــــــــــــــــــــزارع
خلى اللصوص تخاف واستوزر ناس نضـــــاف
ولم البلطجيه اللى ماليه الشـــــــــــــــــــــــوارع
......
هز الهلال يا "مرسى" لسه الطريق طويــــــل
ومواجه الفساد مافيش عنها بديـــــــــــــــــــــــل
والقوه مش كلام ولا خطبه فى الميـــــــــــــــدان
عايزين عزم واراده يجيبوا المستحيــــــــــــــــل
......
هز الهلال يا "مرسى" وافرد للريح قلوعــــك
وقول للعاصى يعقل وقوام يدخل فى طوعـــــك
الثوره مش هزار ولا دق دفــــــــــــــوف وزار
ولا الشباب هايرحم لو حتى شاف دموعــــــــك
......
هز الهلال يا "مرسى" وسيبك م الخــــــــلاف
وفوّر البطانه واستوزر ناس نضـــــــــــــــــاف
والناس المظلومين يخدوا حقوقهم يوميــــــــــــن
خلى زمانهم يروق بعد سنينه العجــــــــــــــــاف
......
الرئيس محمد مرسى
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
حسن كامل
الله ينور عليك
عدد الردود 0
بواسطة:
mokhtar
كلام موزون
التعليق فوق
عدد الردود 0
بواسطة:
mokhtar
كلام موزون
التعليق فوق
عدد الردود 0
بواسطة:
عمرو آل العجمي
اللهم أنصر دينك