فيسبوك
واتساب
اصحى يا نايم ـ ـ وحد الدايم
يلا ع الميدان
نملا الميدان فوانيس
ويطرد حلمنا الكوابـيس
يجيب النور من الكواليس
ونعـلق الزينة
وبخط واضح صريح
وبعيد عن التلميح
والغمز والتجريح
نكتب أسامى الشهدا ع الفوانيس
ونعـلم الأطفال أساميهم
ونحكـى للأطفال حكايتهم
لكل فانوس حكاية
ولكل شهيد حكاية
نور الشهيد نبراس لسكـتـنا
يهدينا ضالتـنا
شهداءنا فوانيسنا
متعـلقـة ف بيتـنا
وف كل غرفـة جلوس
تلقى شهيد وفانوس
وآية الكرسى
فى كل بـيت مصرى
برواز لصورة شهيد
وبطولته محفورة
ف الأصل والصورة
اصحى يا نايم ـ ـ وحد الدايم
يلا ع الميدان
مسحراتى
