سيد أحمد الهمشرى يكتب: بقفل ونقفلوا الجرنال

اذا كُنا زى زمان راح ندنوا فى مالطــــــــــه
وهايمسكوا لكل صحفى حر على غلطــــــــه
وهيدبحوا كل يوم لصحاب القلام قطـــــــــــه
يبقى بلاها كتابة الرأى فى الجرانيــــــــــــــن
وفى كل جرنال يحطوا فيه لواء شرطــــــه !!
...
اذا كان معالى الرئيس هيقول متنقدونيــــــــش
ومعالى شيخ الجماعه هيقول متنظروليـــــــش
دا غير بقيت الشيوخ والاخوه والالاضيــــــش
يبقى مفيش غير بقفل ونقفلوا الجرنـــــــــــــال
وكل صحفى يقف فى السوق بطاولة عيــــــش
...
ونعلن ان البلد حاكمها ديكتاتـــــــــــــــــــــور
عايز يطفى الكلام زيى ماطفى النـــــــــــــور
عايز وطن كل صحفى فيه لابس طرطــــــور
وكل جورنال شريف بكره هيتصــــــــــــــادر
وهايفضل اللى هيبقى العبد للمأمـــــــــــــــور
...
ومدام هتبقى البلد اللى حاكمها دقـــــــــــون
والدقن فيه تحتها واحد مهوش مضمـــــــون
ممكن فى وقت اللزوم يعمل لنفسه قانــون !
انا افضّل اروح افتح بتاع كشـــــــــــــــرى
ولما نفسى تقوم اعصر عليها لمــــــــــــون
...
وبلاش كمان الكلام على كافة القنـــــــوات
وخصوصا اللى بتنقد الرئيس بالــــــــــذات
وبلاش كمان يظهروا على الشاشات ستات
وياريت كمان المذيع بالطرحه يتحجــــــب
ويربى دقنه ويعمل شيخ من البهـــــــــوات
...