راضى على الطهطاوى يكتب: وطن مجروح

وطن بيبكى ويـنزف دم = محدش أبدا ً بيه مهتم
ليه مش لاقى طبيب يداويه ؟! = ورافض جرحه ياسيدى يتلم
محدش راضى يقوله سلامتك = سايبينه غريق ف بحور الهم
اللى بينسى هموم أوطانه = حتما ً بكرا أكيد ينــدم
إزاى حلم الوطن يموت؟! = وساعات بيدوس الحلم قدم
كل ما نبنى قصورالفرحه = نلقى اليأس بسرعه هـــدم
كل ما نرفع صوت بيغنى = نلقى الدمع لصوتنا كتم
كل ما نزرع ورد الحب = نلقى الشوك بيطرح غم
قمرالدنيا وشمس تاريخها = عايز يرسم خط قلـــم
وطن بينده عايــــز ابنى = يعزف لحن الحب نغـم
لمَّا ضمير أولادى هيصحى = تصحى عزيمه معاها ذمم
يملا كاسات الشهد عرقــنا = نصنع مجد بكل همــم
يعود الفرح نداوى الجرح = نرفع هامه فى كل قمم
نرجع زى الماضى وأفضل = نسبق تانى كل أمــــم
نجنى بإيدنا عناقيد خيرنا = ونلقاه جانا الفرح وعم