راضى على الطهطاوى يكتب: وابتدا المشوار

100 يوم خلاص ابتدت = والشعب بدأ العَـــدْ
إمتى الأمل يصـــحى؟! = ينده يلاقى الغــــــدْ
فيه ناس كتير أشـــــرار = عايزه الطريق يتسدْ
عايزه الضلام يرجـــع = والثوره دى تتــــهدْ
ربك كريـــــــــــم ستار = والحلم راح يتمــــدْ
يملا البلد بساتـــــــــين = يطرح ورود ع الخدْ
طول ما العَرق ويـَّـانا = إخلاص نوايا بجــدْ
نلقى المراد يتحــــــقق = والخير يفوق الحــدْ
ونبدأ بعـــــــــــون الله = ضهر العــمل يتشدْ
100 يوم خلاص ابتدت = ومعانا ابتدا المشوارْ
عايزين نشوف حلــمنا = شموس فى قلب نهارْ
يطرح ورورد بساتين = نلقى الجــفاف أزهارْ
نمحى جراح أحــــزانا = تلاتين سنه فى مرار
فيه ناس كتير حاقـدين = عايزين الوعود تنهارْ
عايزين الخطط تفـشل = ثوره تضيع فى مدار
إمتى المراد يتحــقق؟! = نلقى المــــكن دوَّار
نشوف الأمان بعــيونا = وبلدنا تبقى عمــــارْ
والنهضه تبقى حقيقى = مش بس تبقى شــعارْ