نجم لـ"سمر والرجال": "لو خيرونى بين سيجارة حشيش والمرأة هختار الست"

قال الشاعر الكبير أحمد فؤاد نجم، إن المرأة نعمة ربنا خلقها لينا ولو خيرونى بين سيجارة حشيش والمرأة هختار الست، وأضاف نجم، فى حواره أمس مع سمر يسرى، فى برنامج "سمر والرجال" على قناة القاهرة والناس، أن الشعب المصرى تعرض للتسطيح والتجهيل والتخويف منذ 60 سنة، وكتر خير ربنا إننا لسه بننطق لحد دلوقتى.

واعترض نجم، فى الحوار على لفظ "امرأة متبرجة"، وقال مفيش حاجة اسمها مرأة محتشمة ومرأة متبرجة، ممكن واحدة يكون ربنا مديها نعمة الجمال وبتفرجها للناس ودى حريتها" وأضاف نجم، "المصريين دمهم خفيف ومعاكستهم حلوة زى "يا أرض احفظى ما عليكى".

وتحدث نجم عن زيجاته السابقة وقال أنا اتجوزت 8 مرات وآخر زوجة كان عندها 19 سنة، وأنا عندى 61 سنة وبحبها جدا، وأضاف "صافيناز كاظم وعزة بلبع اتجوزونى عشان أنا طيب وحنين أوى على الستات".