سيد منيرعطية يكتب: مين السبب؟

لما الموت بييجى فى لحظه
بنقول دا قدر
لما جروحنا تنادى ألامنا
ندور ع الوطن
لما الليل يسكن حياتنا
نشعر بالألم
لما دموعنا تسيل
ودمانا تبقى غدير
وف عز النهار
صدورنا ملاها
رصاص غدار
ساعه الفطار
وجنودنا البواسل
ماتوا
فى لحظه غدر
ودم الشهيد روى الارض
وكأن ترابك يا مصر
كفن ملفوف لف
لحضن أولادك بيعصر
عصر
مين السبب؟
لما الحضن الدافى
يقاسى
غربه بشر
لما سلامتك تبقى ف خطر
لما عيون بتنادى السفر
تهجر وطن
وقلوب موتها الخوف
وجبال حركتها
قطرة مطر
وسكون قاااااتل
وجراح تصرخ
ف عز الليل
فين الأمل
الحلم جوانا إتقتل
وبراءه طفل
ما يعرفها بشر
لسه الخوف بيمشى خطاه
جوه النفس بينده اه
وزمان الغربه فى كل مكان
والموت أصبح عنوان