فيسبوك
واتساب
يا بلدى الرحمة تاهـــت فى زحام بنى الإنسـان
العزه والعفه دابـت يا خوفى م النسـيان
يا طير فى السما رفرف دامع حزين حيران
يا أرض عزها الرحمن وذكرها فى القرآن
يا تاريخ كتبه الشهيد منصور سعيد فرحـان
يا توب أبيض جميل بقى لونه ليه بهتــان
يا نيل مالك نحيـل جريك بطئ كسـلان
يا طين الأرض يا أسمـر طرحك كده عيـــان
زرعك يا طين مسمــوم خيرك ملا الأكفـان
يا أم الدنيا سامــــحى وبجد أنا غلطــان
بإيدى طويت ملامحك
سممت طينك وقمحك
وطالب الغفران
علم مصر
