رامى زين يكتب: افرح يا شعب

إفرح ياشعب وإتنطط وهيص
خلاص بعد الغلب بقالك رئيس
بس ياريتك ماتكبسش عليه مره واحده
بكل مشاكلك ليروح منك فطيس
ماتخافش لوحده هو عارف مشاكلك
وهمك مذاكره وعارف اللى تعبك
عارف إنك عشت سنين ف غلب ومشاكل
ف صحتك وتعليمك وميتك وأكلك
والنهارده جايلك فاردلك إيديه
بيتمنى إنك ترضى ياشعب عليه
جايلك يلم شملك جايلك يحقق آملك
جايلك يشيلك يا شعب جوا حبابى عينيه
عمايله بتقول إنه أحسن م اللى قبله
عايز يغير وفاتح للكل قلبه
ياريتك ياشعب انت كمان تفتحله قلبك
وبجهد وإخلاص ع التغيير تساعده
إفرح يا شعب وإستبشر بمرسى خير
وقدّر مشواره الصعب وقدّر حمله التقيل
وماتصدقش أى كلام وف إصدار الأحكام
ماتتسرعش ده ع الحكم لسه بدرى كتير
وإن يوم سمعت ياشعب حد بيهينه
ويقولك ده فيه وفيه هو واللى جايبينه
قوله يحموك ف كنكه مصديه وسكه
مالكش دعوه رئيسنا عاجبنا وإحنا عاجبينه.