اصحى يا نايم ـ ـ وحد الدايم
يلا ع الميدان
بـيعدى نص الليل
ولسـة الميدان صاحى
وقلب مصر الوفى
بـيغـنى صباحى
عدت سنين وسنين
والغـنوة مكـتومة
والكـلمة كـلمة منافـق
أغـراضها معـلومة
والحق صوته ضعـيف
وجناحه بات مكـسور
بالسور والعسكـر
والتهمة موجودة
أوراق ومتسـتـفـة
ولخلق متكـتـفـة
متـفصلة مظبوط
ف الدايرة عشـنا سنين
بنلف مش داريـين
تاهت خطاوينا
ياسكـة الثورة
ماسك عليكى بالنواجز
عود الفساد عاجز
إصحى يا نايم ـ ـ وحد الدايم
يلا ع الميدان
ميدان التحرير
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة