سيد أحمد الهمشرى يكتب: إيه العبارة..؟

ما تقول ياريس إيه العبــــارة ؟ وامتى هانشوف الـــــوزارة ؟
وامتى راح تفرد قلوعـــــــــك علشان تورينا الشطـــــــارة ؟
ولا أنت زى بتوع زمـــــــــان عايز تشور الأمريكــــــــان ؟
ولا أنت لسه عايز موافقـــــــه من السفارة اللى فى العمارة ؟
......
وكمان يا ريس سامعين إشاعــة إن وزارتك من الجماعــــــــة
علشان صحابك وكمان قرايبـك وكمان خواتك من الرضاعـة
وشىء طبيعى تتوصى بيهـــــم وف كل أزمة تنده عليهـــــــم
وشىء طبيعى أن تشوارهــــــم وكلمة الإخوان مُطاعـــــــــة
......
وإن كان علينا إحنا الرعيـــــــة أصحاب إرادة وعقول ذكيــة
عايزين سيادتك تشد حيلــــــــك وتزوّد المجهود شويـــــــــــة
ماذا وإلا فيه الميــــــــــــــــدان اللى وقفنا فيه زمـــــــــــــــان
هانادى فيه يسقط سيادتــــــــــك لو شوفنا واسطة أو محسوبية
......
ولما تختار الوزيــــــــــــــــــــر مايكونش بالسن الكبيــــــــــــر
ويكون سريع الإنجـــــــــــازات عند اللزوم ممكن يطيــــــــــــر
وأهم حاجة يكون أميــــــــــــــن وعنده تقوى وعنده ديـــــــــــن
وتكون عنيه مليانة دايمــــــــــــا ما يحبش المال الكتيـــــــــــــــر