وديع العلاوى يكتب: شهر الخير

يا شهر الخير يا حب كبير
يا رمضان
يا شهر جميل ملكش مثيل
صلاته كتير ووزره قليل
يا رمضان
------------
حبيب القلب ويانا
فى هوانا ودنيانا
نصوم ونصلى ونذكى
بحب كبير لرب كبير
ودعوة خير فى نص الليل
بقلب ملان تقى وتكبير
وجوانا سماحة كتير
وأهل الخير خير دليل
على الإيمان
يا رمضان
------------
يا مجمع قلوب صايمين
على الرحمة و حب الدين
ونور غفران من الرحمن
وأحلى أدان بصوت إنسان
فى كل مكان ملان تاثير
يا رمضان
-----------
بنستنى بقلنا شهور
بنتمنى يعم سرور
ويجى النور يلاقينا
مفيش فينا ولا مقهور
يبات زعلان
يا رمضان
-----------
ياريت العام كله صيام
نعيش عيشة أمان وسلام
وأحلى كلام مفهش خصام
ونبقى جيران قلوبنا ميدان
ملان بحنان من القرآن
يا رمضان......
-----------
يا شهر أتيت فى ظرف عصيب
وإيهو قريب فى علم الغيب
ريحنا وطمنا يا أعز حبيب
عن الآتى لحياتى أخوك قلقان
يا رمضان
----------
ما صدقنا يروح الهم
رئيس ونظام كانوا غم
إستحمل أعصابنا يا عم
مشفناش أمن لحد الآن
يا رمضان
----------
يا شهر الخير خًلص عليها
هاذى الكوارث وإنهيها
بقالنا سنه و شهور فيها
خايفين تطول علينا زمان
يا رمضان