فيسبوك
واتساب
عم يا بتاع الفوانيس
خليك بظروفى حسيس
وماتغليش أسعارك عليّا
وإدينى الفانوس رخيص
عم يا بتاع الفوانيس عايز فانوس رمضان
يكون صفيح بإزاز ملون وبشمعه كمان
مش عايزفانوس كرومبو ولا حتى الفانوس اللى جنبه
عايز فانوس بوجى وطمطم القديم بتاع زمان
عم يا بتاع الفوانيس يااللى فاتح جنب بيتنا
إدينى الفانوس رخيص لاجل تزيد محبتنا
وليك عليّا كمان أقول لكل الجيران
يجوا يشتروا من عندك هما وكل حتتنا
عم يا بتاع الفوانيس خلصت فلوسى ع الياميش
ناوى تدينى الفانوس بكام برضه ماقولتليش
ولو مش ناوى ترخص الفانوس خلاص هوفر الفلوس
وهجيب بيها دقيق أعمل بيه ف العيد قراقيش
فانوس
