والله لولا الصيام انا كنت اشتمكــــــــــــــم
انا اصلى مفروس قوى وقرفان كمان منكم
بهدلتوا حال البلد وطفيتوا انوارهـــــــــــــا
حتى الوقود اختفى بسبب عمايلكـــــــــــــم
...
عملين قياده وزعامه بدل الزعيم عشرين !
وركبتوا فو ق قلبنا واحنا كمان صابريـــن
على امل ينصلح حال البلد بيكــــــــــــــــم
اتارى حال البلد بيزيد سخام على طيــــــن
...
هصبر كمان حبتين لزوم صيام رمضـــان
وهادعى ليا ولكم بالرحمه والغفــــــــــران
بس وشرف امى لو مهيتعدل حالكـــــــــــم
لا الم كل البلد وننادى فى الميـــــــــــــــــدان
...
بسقوط حكومة (كمال و الفنجرى وعنـــان)
و(مرسى) اللى طلع لسه مع الاخـــــــــوان
طيب صحيح .. بس الحكم كان عايـــــــــز
فارس يلم الغجر اللى خانونا زمـــــــــــــان
الحكم عايز ولد فارس عنيه واسعيــــــــــن
عارف زعيم الابالسه مخبى ابنه فيــــــــــن
وقلبه مات يوم ماوافق انه يبقى رئيـــــــس
لدوله فيها اللصوص اكتر من الصالحــــين
...
هصبر كمان اسبوعين وهينتهى رمضــان
ومعاد شباب البلد وبناته فى الميــــــــــدان
ياهتفنا شكرا لكم على حسن تعاونكـــــــــم
ياهتبقى كل البلد عايمه على بركـــــــــــان
صورة أرشيفية
مشاركة
اضف تعليقاً واقرأ تعليقات القراء
مشاركة
