ياللى بعدت
عن الرحمن
ألحق أرجع
جاى رمضان
فيه العتق
و فيه الرحمة
فيه الفرصة
للغفران
--------
افتح قلبك
صلاة و صيام
اقرأ رتل للقرآن
إياك ذنبك
يقفل قلبك
إياك تسمع
أى شيطان
بيقول ان مافيش
لك توبة
ربنا
اسمه الرحمن
---------
مليون صلا
على اغلى حبيب
شوف الحكمة
من الترتيب
----------
صفة الرحمة
تطمن قلبك
تعرف
ان الله بيحبك
تحزم امرك
تعلن ندمك
تعلن توبتك
و انك ناوي
تهجر ذنبك
تلقى الخالق
واقف جنبك
----------
و بصفته
الرب الرحمن
يديك اكتر
من احلامك
و يمًن كمان بالغفران
ربك كرمه
ملهوش حدود
و بافضاله علينا يجود
بعد الرحمة
و بعد العفو
تلقى يا صحبي
عنده مزيد
----------
و بصفته
الرب المنان
يعتق بدنك
م الاهوال
تلقى بركته
فى صحة و مال
و سعادة على
راحة بال
تتعدل كل الاحوال
ربك وعدك
تمشيله ميل
هايقبلك
هو بأميال
-----------
يالا تعالى الوقت
الوقت مناسب
وقتك عمرك
و عليه حاسب
و دى أعظم فرصة
رمضان
ياللى بعدت
عن الرحمن
ألحق أرجع
جاى رمضان
صورة أرشيفية
مشاركة
اضف تعليقاً واقرأ تعليقات القراء
مشاركة
