خالد صلاح

برعاية سوبر كورة

سوبر كورة

محمد صلاح العزب

صايم؟ ولا زى كل سنة؟

السبت، 21 يوليه 2012 05:10 م

مشاركة

اضف تعليقاً واقرأ تعليقات القراء
كل سنة وحضرتك طيب، صايم؟ ولا زى كل سنة مانع الأكل والشرب بس، ولسه بترزع باب الشقة فى وش جارك اللى مبتحبوش وتعمل نفسك مش واخد بالك؟ ولسه بتكسر الإشارات اللى من غير أمين شرطة بدفتر ولا بكاميرا، وبتنف فى المنديل وترميه فى الشارع؟.

صايم؟ ولا زى كل سنة عمال تشتكى من الجوع والعطش والـ18 ساعة ومقضيها فيس بوك وماسنجر ومنفض للشغل اللى بتقبض منه آخر الشهر؟.. صايم؟ ولا سايب الشغل وماسك المصحف فى أوقات العمل الرسمية عشان داخل سباق مع زميلك مين اللى هيختم الأول؟ ولا كل شوية تسيب المكتب وتروح تقعد فى جامع الشغل بالساعة والساعتين، وبتمضى حضور وانصراف وخلاص؟.

صايم؟ ولا زى كل سنة هتقعد تخانق دبان وشك، وكل ما تشوف واحد تكشر فى وشه، وإذا سألك مالك هتمسك فى خناقه وفى الآخر تقوله: متخلينيش أفطر عليك، وفى الآخر هتختم: اللهم إنى صايم.

صايم؟ ولا زى كل سنة رمضان بالنسبالك أول يومين، ثم ستعود بعدهما إلى كل ما كنت قد قررت الإقلاع عنه، مثل المدخن الذى قال لصديقه: ما أسهل الإقلاع عن التدخين لقد فعلتها أكثر من خمسين مرة.

مشاركة

اضف تعليقاً واقرأ تعليقات القراء

التعليقات 2

عدد الردود 0

بواسطة:

إيهاب زهران

للأسف زي كل سنة ...

فوق

عدد الردود 0

بواسطة:

فرعون

اسوأ من كل سنة

و البركة فى مدعيين التدين

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة