سيد أحمد الهمشرى يكتب: دستور الهمشرى

الماده الاولى انا مصــــــــــرى وابويا وامى مصرييــــــــــــــن
من حقى الطم واعيــــــــــــــط من ظلم الناس الوحشيـــــــــــن
وكمان من حقى أغور بـــــــره وأسيب الدنيا بالمــــــــــــــــره
واعيش من نفسى ساعتيــــــــن وأشوف الناس الحلوييــــــــــن
...
والماده التانيه انا مؤمـــــــــــن أو كافر مش فارقه كتيــــــــــر
ربنا خيرنى وانا موافـــــــــــق اختار من بعد التفكـــــــــــــــير
وكمان من حقى احلق دقنــــــى علشان الناس هتصدقنـــــــــــى
لو قولت الشمس غابت بكــــره والدنيا اغلبها حمـــــــــــــــــير
...
والماده التالته من حقــــــــــــى اتمشى بلبوص فى الشــــــارع
والبس طرطور زره طويــــــل واتغدى واتعشى كــــــــــوارع
علشان انا عشت زمن (حسنى) من بعد زمانى مدبسنــــــــــــى
فى عصابه حكمتنى سنــــــــين وسنين بتألم وبنـــــــــــــــــازع
...
والماده الرابعه الجيـــــــــــــش ورجال الشرطه على دماغــى
اتوضى واصلى للجيـــــــــــش وادعيله كمان وقت فراغــــــى
والشرطه على عينى وراســى وكاتب اوامرها فى كراســــــى
اتنين بالامر لازم أطعهــــــــم يا بأمر بسيط هيجيبوا داغـــــى

...
والماده الخامسه مفيش مانــع الحكم يكون فينا رياســــــــــــــــى
والريس راح يقطعوا ايـــــده لو قال راح امشى اللى فى راسـى
ويمشى كمان جنب الحيـــــط مش عايزين دوشه وتنطيــــــــــط
والجيش راح يحكم ويشـــرع بقانون الحكم العباســــــــــــــــــى
...
دستور. واياك حد يقولـــــــى فيه ماده مهياش عجبــــــــــــــــاه
والله اتهور واتعفـــــــــــــرت واتجنن واعملها معـــــــــــــــــــاه
انا دارس دساتير وقانـــــــون وطبيعى انا فاهم اللـــــــــــــــــون
لو عندنا الفين دستــــــــــــور راح يدوا الشعب على قفـــــــــــاه