سيد أحمد الهمشرى يكتب: وهل شهر الصيام

هلت ليالى الرضا والنصر والبركــــــــــــــات
وهل شهر الصيام بالرحمه والنفحــــــــــــــات
فيه يستجاب الدعاء يارب نجيــــــــــــــــــــــنا
ونجى مصر الكنانه وبارك الخطـــــــــــــوات
...
يارب وحياة حبيبك دلنا على الخيـــــــــــــــــر
واهدى نفوس البشر لرجاحة التفكيـــــــــــــــر
يارب لجل النبى نجح مقاصدنــــــــــــــــــــــا
وانعم علينا برضاك احنا صبرنا كتيــــــــــــر
...
يارب بارك لنا واحفظ لنا الثـــــــــــــــــــــوره
واجعل بلدنا رخاء واغنينا عن بـــــــــــــــــره
واكفينا شر الشيطان ومغارة التعابيــــــــــــــن
واجعل بلاد العرب على الدوام حـــــــــــــــره
...
يارب وفق ولاة الامر للاصــــــــــــــــــــلاح
ونشوف بلدنا بتسبق من نجاح لنجـــــــــــــاح
وارزقنا بالمخلصين دايما فى كل مجـــــــــال
واجعل فى كل القلوب رحمه ووداد وسمـــاح
يارب نهضة بلدنا مش كتيره عليـــــــــــــك
والكون بحاله يارب وغيره صنع ايديـــــــك
قادر تبارك لنا فى قليلنا يبقى كتيـــــــــــــــر
انت اللى قادر يارب ملكش حد شريـــــــــك