فيسبوك
واتساب
مُضرب وبأتحدى
هاتقولى اهدى
مش هادى
حقى كده هأخده
بالعطلة ودراعى
والأرض دى ملكى
والشارع بقى بتاعى
هى بقت موضة
مغيمة وسودا
بنحب وقف الحال
ونقل راحة البال
يا عم روح على شغلك
ومالاكش دخل بحد
بلدنا لو وقعت
غير ربنا.. ملهاش حد
وما تقولش أنا ليها
بشغلك أديها
والصحرا أهى عندك
خضرها.. عمرها.. ابنيها
وإزاى بتعمل كده
وأنت عايش فيها
حقك فى خير بلدك
دى أرضك وما فيش غيرها
أصلح يا ريت نفسك
يعم عليك خيرها
وما تقولش مُضرب
ما تقولش أتحدى
يارب أصلح لنا حالنا
وحال البلد يهدى
رافع أيدى لفوق
ولربنا بأدعى
ويارب تقبلها
وحال البلد يهدى
صورة أرشيفية
