سيد أحمد الهمشرى يكتب: لا يا معالى الرئيس

لا يا معالى الرئيس فرقت مع سيادتـــــــــــــــك
لو كنت شاورتنى أنا كنت نبهتــــــــــــــــــــــك
وقولتلك القانون مفيش مزايدة عليــــــــــــــــــه
وأنا حبيبك وطبعا أحب مصلحتـــــــــــــــــــك
...
وكنت أقولك سيادتك قدوة قدامــــــــــــــــــــــى
وحضرتك فى البلد صاحب مقام سامـــــــــــــى
لازم تكون زينا محافظ على القوانيـــــــــــــــــن
وياريت سيادتك تفكر حبة فى كلامــــــــــــــــى
...
مش عايز أشوف الخصوم ماسكين عليك واحدة
وأتمنى أشوف حضرتك تحكم كمان مـــــــــــدة
وأشوف فى عهدك مكانة وقيمة للقوانيـــــــــــن
ومشفش (عتريس) دخل (بفؤادة) فى العـــــــدة
...
وياريت كمان حضرتك تتوصى بالدستــــــــور
واللى كمان يكتبه قاضى ويكون مشهـــــــــــور
ومش ضرورى يكون على لحيته صقريــــــــن
ولا ضرورى يكون إخوانى عايش الــــــــــدور
وياريت سيادتك كمان متملش للإخـــــــوان
وأشوف فى قلبك لنا وللمسيحى مكـــــــــان
وكمان تقرب لنا عن اللى كان قبـــــــــــلك
وبلاش تكون الملك وابنك يكون سلطـــــان
...
على أى حال أشكرك على قرار معاليــــك
سلمت للمحكمة ورضيت بحكمها فيـــــــك
أثبت أنك عظيم بعظمة القوانيــــــــــــــــن