سمير عبد العظيم حيطاوى يكتب: إحنا بشر

إحـنا يـا نـاس أجـناس لــكـننا واحـد
مـــعـقـولة فـيه فى الناس للفكرة دى جاحـد
******
إحنا بشر
مهما انتشر
فينا اللى بيفرق ما بنا
واللى يقول أنا جنس سامى
إحنا نقوله عاشت الأسامى
إيه يعنى منتش زينا
منتش بشر
ساكن هنا
على أرضنا
ولا أنت ساكن فى القمر
أنت بشر
******
أنت غفير ولا وزير
عايش فى روسيا ولا فى زئير
أنت بشر
أنت موظف أنت مدير
عابد فى مسجد راهب فى دير
أنت بشر
*****
وإياك تكون فاكر عشان
أنت غنى
تبقى خلاص منتش بشر
تبقى غـبى
أصل الفلوس متميزكش عن البشر
كم ألف واحد قبل منك
كان فاكرها تميزه
مات فى النهاية
وبسببها
لما ضياعها نرفذه
لمّا خسر كل اللى حيلته
وامّا الطبيب يعجز بحيلته
والموت أتاه
هل ماله يقدر ينقذه
***
بالمختصر
أنت بشر
واللى انتصر
على نفسه هو دا البطل
************