فيسبوك
واتساب
غراب وقف ع القصر هدد مصر بنعيقه
زهقوا الجيران منه وقالوا يامين يطرده
قعدوا عشر تيام يحاولوا تمام تزهيقه
وقف الغراب ع الباب وهذا ما يقصده
يشوف القرار بتلفق قبل النهار م يشقشق
كل القلوب تتفرق وكله يخسر صديقه
---------------
طار الغراب بعد القرار ما صدر
ثاروا القضاه والشعب كله إنفجر
يادى الخيبة دا الشعب ياما صبر
فى ثانية ضاع الأمل وتاه طريقه
---------------
لملم يا وطن جراحك وارجع لأفراحك
طالت سنين الأسى والأسى لاحك
يسعد مساك يا وطن ويسعد صباحك
وتنول الآمل ويعينك على تحقيقه
--------------
متزعليش يا مصر القصر راجع
يمسك زمام الأمورفى نور ساطع
يحضن ربوعك يا مصر فجرطالع
يكفينا شر الغراب وشر تحليقه
--------------
يا ريسنا يا للى فى الهموم جالنا
عشر تيام لا خد منا ولا إدالنا
لسه بنفهم بعض وياما فى بالنا
إنك ريس كويس ممكن تصديقه
---------------
يا قصر الرياسة ياللى ببانك حديد
واضح مفيش جديد وداخل علينا العيد
إفتح يا باب بقى خلى اللُقى تجديد
كفى شقى وكفى أسى وتنهيد
قول كلمتين للشعب بحُب يبل ريقه
-----------------
قصر الرئاسة
