فيسبوك
واتساب
على كل مجرم من السجن طلعوه
على اللى يقول على الظالم ظلموه
على كل واطى علوه
حسبى الله و نعم الوكيل
على اللى مد ايده فى جيبى وسرقنى
على اللى على مسك السكينة وفى ضهرى طعنى
على كل اللى يضحك عليا و يستهبلنى
حسبى الله و نعم الوكيل
على اللى بيلعب و يمرجح فينا
على اللى ماشى يستهزأ بينا
على اللى عامل نفسه خايف علينا
حسبى الله و نعم الوكيل
على اللى بيتحكم فينا
على اللى مطلع عين أهالينا
على اللى بيتحجج بينا
حسبى الله و نعم الوكيل
على اللى قطع النور علينا
على اللى نصب على بلدينا
على اللى وزع الغاز على غير أهالينا
حسبى الله و نعم الوكيل
على كل اللى يسامح الفلول
على اللى يقول على المؤمن مهبول
على اللى غلوا كل حاجة حتى الفول
سامحونى لازم أقول
حسبى الله و نعم الوكيل
صورة ارشيفية
