فيسبوك
واتساب
من كتر القسوة اللى فيكى..
والطيبة اللى ضاعت من أهاليكى..
بقيت مش عارف أرضيكى..
والكدب سارح فى عنيكى..
وتشاورى تقولى أخبيكى..
ما أنا زيك تايه وسطيكى..
ومش عارف إزاى أرضيكى..
وأنا سامعك يا بلادى..
وبصوتك بتنادى..
مش عايزة كل واحد فيكى يبقى فى وادى..
وكل واحد بيجرى على الكرسى المطاطى..
ومش عارف إزاى أرضيكى..
لابسين قناع خوفهم عليكى..
وبدم ولادك تاجروا فيكى..
ويقولوا بروحنا هنفديكى..
ومش عارف إزاى أرضيكى..
الصبر نفد من حواليكى..
طب قولى حاجة الله يخليكى..
أو بيعى نفسك للى شاريكى..
ومش عارف إزاى أرضيكى..
ميدان التحرير
