فيسبوك
واتساب
صباح الخير ياشعب عاشق
مالوش ديه
.ورغم النكته ساعة الصبح بملاغيه
طلقت حمامى للطيران
وحبست روحى ف الغيه
صباح سكر صباح شربات
صباح بيغنى أغنيه
صباح مسجون ف قلب شجون
وروح غرقانه ف الميه
تمد إيديها تطلق صوت
وغصب عنها منسيه
نشوفها نقول من الخوف دا جنيه
وهى ياخلق عايزه جرام حنيه
إزاى اعتب على اهلى ودول ناسى
رغم المرار سقونى بالهوان كاسى
لاحد يطبطب ولايواسى وليه ناسى
جريح ف الزحمه بيقاسى
وغصب عنى بإحساسى
اغنى واقول صباح الفل
يا اهلى وياناسي
وليه ناسى
تاريخ ف الظلم لسياسي
يبعنى ف لحظه منسيه
ويرجع تانى ويواسي
بإحساسى معاك ومش ناسى
و لجل الغاليه جبرونى
أملا م المرار كاسى
صورة أرشيفية
