سيد أحمد الهمشرى يكتب: من مواطن إلى سيادة الرئيس" 2"

أول ما تنوى تقعد على كرسى المريســــــــه
أرجوك تبقى تعاملنى بطريقه كويســــــــــــه
وفوتلى حته جنبك عشان أفضل أحبــــــــــك
أصل الاخ اللى قبلك عاملنى بغطرســــــــــه
...
ولما تروح تصيف بلاش شرم وماريـــــــــنا
لا تنسى كفر ضفدع وتتكبر عليـــــــــــــــــنا
أصل الاخ اللى قبلك كان من كفر المصيلحـه
نسى أهله ونساها وإدى ضهره لينـــــــــــــــا
...
ولما تعوز تشتى إقعد فى الشمس حبــــــــــــه
دا شمس مصر أحلى من الشمس فى أوروبـــا
وإتغطى ببطانيه يعنى أغلى شويــــــــــــــــــه
زى اللى أخويا جبها من ليبيا جوه علبــــــــــه
...
ولما تعوز رغيف من العيش النضيــــــــــــف
أنا عارف فرن جنبى صحبه راجل لطيـــــــف
بيسوى العيش كويس وإيش حال لو كان لريس
طبعا هيبقى أجمل وكمان شكله ظريــــــــــــف

وكمان وحياة أبوك بلاش زفه ومواكـــــــــب
الالاضيش الكتير بيوقفوا المراكـــــــــــــــــب
وبلاش (زكريا عزمى) اللى معكرلى دمــــى
وصفوت الشريف كان فوق الشعب راكـــــب
...
وكمان وحياة أبوك ريحنا من عيالــــــــــــك
وحرمك المصون هنشلها فى العيـــــــــــــون
بس اوعى تسيبها تحكم أو تتريس بدالـــــــك
...
مش عايز حاجه منك غير تحفظ الامانـــــــه
وإوعى تفكر إنك رئيس ومعاك حصانــــــــه
هنطلع الميدان وندعى عليك كمــــــــــــــــان
زى ماشيلنا زمان مبارك والبطانـــــــــــــــه
...