سيد أحمد الهمشرى يكتب: فتح عينك

فتح عينك تاكل ملبـــــــــــن لو تقفلها تاكل شلـــــــــــوت
لو تقفلها هتاكل نفســــــــــك علشان مش هتلاقى القـــوت
واللى خانوك لسه ممشــوش ومعاهم اللى ميتسمــــــــوش
واللى مفكر إن الدولــــــــــه فيها تمانين مليون هلفـــــوت
...
فتح عينك شوف المجلــــــس مين خلاك تستفتى عليـــه ؟
مين اللى عملك إعــــــــــلان لما وافقته وخدعك بيــــــــه
مين اللى فى إيده الالغـــــــام ودافس لك منها قـــــــــدام ؟
وأما تفرقع فيك بيدمـــــــــــع ويقول أنت صعبت عليـــــه
...
فتح عينك لسه اللعبــــــــــــه فيها قرص الزهر كتيـــــــر
والكوتشينه بقى فيها ميـت واد والعسكرى إترقى وزيــــــر
وإنت طبيعى هتبقى حصـــان وهتفضل دايما غلبــــــــــان
أصل الشطرنج دا مخصوص مصنوع بإيدين الدبابيــــــــر
...
فتح عينك حاول تفهــــــــــــم إمته هيجى عليك الــــــدور؟
امته هتلقى حقى وحقــــــــــك مضمون بنصوص الدستــور
فتح عينك وإعرف ليــــــــــه ابنى وابنك خزقوا عنيــــــــه
معرفناش مين اللى أصابهـــم بعد ما عدت سنه وشهــــــور
فتح عينك إوعى تـــــــــــروّح قبل ما تاخد منهم حقــــــــــك
إوعى شاويش عاد يشخط فيك ولا تروح القسم يزقـــــــــــك
لازم تتحدى الطغيــــــــــــــان لازم تردع كل جبـــــــــــــان
لينا فى مصر زى ما ليهــــــم ليه ياخدوا اللقمه اللى فى بقك
...