سيد أحمد الهمشرى يكتب: من مواطن إلى سيادة الرئيس

مش منتظر منك كتــــــــــــــير غير بس تحكمنا بضمــــير
وإدينى حقى بالتمــــــــــــــــــام إن كان شويه أو كتيـــــــر
وتخلى بالك إن أنـــــــــــــــــــا وسط الجيران لازم أغيـــر
ومحبش أبقى إمعــــــــــــــــــه ولا أحب إيدى مربعــــــــه
وخلى بالك إن أنــــــــــــــــــــا متعود إنى أكون كبيــــــــر
...
مش منتظر منك كــــــــــــــلام ولا كل يوم هجر وخصــام
ولا كل يوم تكسر عنيّـــــــــــه أو تقول الدعم كـــــــــــــــام
ولا تفتكر أنك نبـــــــــــــــــــى مخلوق هدايه للانــــــــــــام
كل اللى عايزه إنك تكـــــــــون مخلص وماشى بالقانـــــون
والقانون ميكنش فيـــــــــــــــــه فقرات تقنن الحــــــــــــرام
...
مش عايز أشوفك يوم بعيــــــــد بينى وبينك سور حديـــــــد
مش عايز أشوفنى لابس قديــــم وأشوفك أنت لابس جديــــد
ولا أشوف ولادى حزنانيــــــــن وأشوفك انت عايش سعيــد
ولا أشوف ولادك أمريكــــــــان وبيتكسوا هدوم م اليابـــــان
ولا أشوف أخواتى فى الشوارع وأنت فى القصر البعـــــــيد
...

لو حتى موافقتش عليــــــــــــك ولا حتى صوتى إديته ليـــك
لو حتى كنت فى يوم هجيتــــك أو كتبت رأيى فيــــــــــــــك
هقطع لسانى من النهــــــــارده وأنقعه فى برميل فينيـــــــك
بس أنا طلبى الوحيــــــــــــــــد إنى أعيش فى زمن جديـــــد
ومن النهارده أنا معــــــــــــاك وإيديّه ممدوده لإيديـــــــــــك
...
وخلى بالك فيه كمــــــــــــــان بينى وبينك الزمـــــــــــــــان
وخلى بالك إن انـــــــــــــــــــا لسه مكانى فى الميــــــــــدان
دم الشهيد لسه هنـــــــــــــــاك منشفش ولا ضاع من المكان
اللى لولا سفك دمــــــــــــــــه والدموع على خد أمـــــــــــه
كان زمان معالى الرئـــــــيس لسه مشرف فى اللمــــــــــان