فيسبوك
واتساب
وهيجرى أيه؟
لما انتخب
وارفع جبينى وانتصب
وهيجرى أيه؟
ما أنا من زمان
مغضوب عليه
مسلوب إرادة
والسلاسل بين أيديه
تلاتين سنة
بدفن دموعى فى الجفون
وعشان تعدى اللقمة
فى الحلق المريض
بعصر لمون
نصف العيال
يتربوا فى سنين السجون
تلاتين سنة
وإحنا الحيارى
نفسنا نعرف طريق
وإحنا اللى كنا
فى الدويقة بننتحر تحت الحجر
بنعدى للموت السحيق
فاكرين زمان
عبارة الموت (السلام)
فاكرين زمان
قطر الصعيد
زين الشباب
مات بالحجر
والباقى كان ميت غريق
ولا كنا نسمع مهما كان
صوت الجبان
(أحمد شفيق)
ما تفوق يا شعب
لحد إمته
يكون عدوك من زمان
واليوم تخليه الصديق
صورة ارشيفية
