يا ليل يا ليل يا عين يا عين
مكتوب علينا من سنين
نحلم كتير
الحلم يكبر.. مش كبير
احلم براحتك..
بس ما تسبش السرير
هو أنت مين؟!!!
ولا أنت ناسى يا ولد
تبقى ابن مين
مصر اللى بتحبك
خدوها المجرمين
شيلوا القانون
حطوا القانون
دحنا اللى عايزينه يا ناس
لازم يكون
لازم نحل البرلمان
ويعود مبارك للقصور
وحبيب يحصن له المكان
صفوت شريف
يرجع شريف
وأنت اللى خاين والجبان
وسرور هيرجع الانتخاب
رمزه الحصان
زكريا عزمى
راجع رئيس دار الديوان
وجمال مبارك
جو دارك
صورته فوق كل الببان
مكتوب علينا
الغاز يروح
والخبز عند الأمركان
ونعيش سنين
وف كل يوم مليون طابور
وأنت اللى ضايع
بين سطور
والباشا مبسوط النهارده
الشعب يعطش
بكره يشرب م البحور
يلعن أبو الأنبوبة
والغاز اللى ساكن
بين حلوقنا فى البكور
ونعيش
ونحلم بالقبور
وسلام على سوق (العبور)
جيش العبور
من يومها واقف فى الطابور
ما أنا قلت لك
احلم كتير
الحلم يكبر.. مش كبير
أحلم براحتك..
بس ما تسبش السرير
وما لكش دعوة بالمشير
المحكمة الدستورية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
فارس
في مصر فقط
يموت الشهيد مرتين
عدد الردود 0
بواسطة:
عبدالعزيز مجاور
رائعة
تسلم أيدك أكثر من رائعة
عدد الردود 0
بواسطة:
وديع العلاوى
بايخه
عدد الردود 0
بواسطة:
صوت ضميرالحق الخالد
انقذومصرانهاتغرق