فيسبوك
واتساب
لو مسكت الكرسى
ماتقولش يلا نفسى
وتركب الشعب للفقر تاكسى
ياريت يامرسى
لما تمسك الكرسى
تعدل بحق الله
ماتفكرش ان الرئاسه سلطان وجاه
وتحكم بالعدل لحد ما تبلغ من الحكم منتهاه
ويكون الوطن للجميع والدين لله
ياريت يا مرسى
لما تمسك الكرسى
مايبقاش المرشد دليلك
احسن غضب الناس بالسريع يجيلك
ومش هيرضى الشعب يومها غير
انه من ع الكرسى يشيلك
ياريت يا مرسى
لما تمسك الكرسى
تمّسك بن الشارع كتاب
تنشله من العيشه الضنك الهباب
وتملى وظايف الدوله بدل من الكهنه الشباب
وتصلح التعليم اللى خلى الجيل جاهل واملنا فيه خاب
ياريت يا مرسى
لما تمسك الكرسى
فيه ماتلزقشى
اصله ليك ما تخلقشى
خلى الشعب يشوف غيرك
علشان تنام مرتاح ضميرك
ولسه يا مرســــــــــــــى
طلبات شعب عانى من القهر ماخلصتشى
ياريت بس مننا ما تزهقشى
ولو هتزهق يبقى من اولها
خد بعضك وامشى
محمد مرسى
