ماتقولش كل ده عشان كرسى
قال لك ..حمشى بالنظام التركى
إنت عارف إنه مش مجرد كرسى
دى سلطة يتحكم زى ماهو عاوز وما يغركشى
حنسلمه بـايدينا دماغ عيالنا
يا يونونها ..يا فى الشغل يجننها
حنديله خزائن الدولة !
يا يهبر فيها ..يا يخاف على أراضيها
بـإشارة يعمل علاقات ويلغى اتفاقات
بـصباعه الصغنون يطاطى أو يبقى ديمقراطى
بـزغرة يحاسب ويشيل ..أو ينخ ويميل
بـرشوة يتكتم ويدوس ..
وكرامتنا زى البالونة تتفس بـدبوس
ممكن يدادى ويطبطب ويسرق
أو يقاضى ويعزل ويعرق..
بـايديه ودماغه ..ممكن يعمل اللى يحلاله
مادام لسة العدل ما اتنفذش
وكلهم يمثلو النزاهة والشفافية ويلبسوهم وش
ولو لقيت بعد كده كلام فى الهوا..اوعى تنطق يا درش
لإن اللى بيغلط مابيتحاسبش !!
صورة أرشيفية
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة