وفاء الزينى تكتب: مصر تتحدث

اشهد يا زمان.. سجل يا تاريخ
بكل جرأة بقولهالكوا أنا مصر
ومعروفه بأصلى.. أهرامى ومجدى من أصلى
وجدودى وناسى دول مصرى
يختاروا الريس دا فى عصرى
العالم كله بيعرفنى
العالم واقف اهوه شايفنى
وطبعى دا مشرفنى
أنا مصر وعمرى محروسة
وجنة فى أرضى مغروسة
ورب المولى دا صاينى
وبخيمته الزرقا مضللنى
والكلمة بتاعتى مسموعة
جوه وبره مطبوعة
وصيتى واصل للعالم
وبكل جرأة بقولهالكوا
أنا مصر ومعروفة بأصلى
وجدودى وناسى دول مصرى
طول عمرى قوية وإنسانة
طول عمرى حرة ومنصانة
ومعايا ولادى وكسبانة
وبكمل مجدى بإيديه
أنا أصلى شديدة وعفية
ومعايا ولادى مساندنى
دايمًا فى الشدة سابقنى
وإيديهم ممدوة عشانى
تبنى وتعلى فى جدرانى
يكفينى فخر المصرية
والنية الصافية دى نقية
والقبة الزرقا مغطية
وإيديه طايلة وعافية
وولادى شهامة وجدية
يختاروا الريس بروية
وهى دى المصرية