فيسبوك
واتساب
إذا كنت عايز تشارك بــــــــــــــــدور ويبقى لولادك فى بلدك مكــــــــــان
تعالى قابلنى وعلمك معــــــــــــــــاك أنا فى انتظارك فى قلب الميــــــدان
فى قلب الميدان الحبايب كتيــــــــــــر معاهم نحقق آمالنا الكبيــــــــــــــــر
معاهم ننادى بدستور جديـــــــــــــــــد وننسى هناك العميل والجبـــــــــــان
......
إذا كنت بتحب تسعــــــــــــــــد ولادك ومصرى وبتحب نهضة بـــــــلادك
وعندك أمل بكره يبقى جميــــــــــــــل وبكره اللى جاى يبقى ملك لـــولادك
تعالى قابلنى فى قلب الميـــــــــــــــدان عشان ليك وليه فى قلبه مكـــــــــــان
هناك فى الميدان حط صورتك معايـــا وسجل بأيدك شهادة ميـــــــــــــلادك
......
إذا كنت عايز نكون أمه حــــــــــــــرة غنية وولادك ماتطفش بـــــــــــــــره
وعايز تكون مصر دولة جميلــــــــــة وتعلى وتفضل على الدهـــــــــر دُرة
تعالى نروح الميدان بكرة بــــــــــدرى ولما الديابة تشوفنا هاتجـــــــــــــرى
كفاية اللى فات واحنا نايمين يا صاحبى وقضّينا يومنا على لقمه مُـــــــــــــرة
......
إذا كنت عايز ؟ وعارفك فى نفســـــــك تكون مصر أجمل بلد فى الوجــــــود
ونفسك تشوفها كبيرة وعفيـــــــــــــــــة ونفسك تشوف فيها مجد الجـــــــــدود
تعالى هانسهر سوى فى الميــــــــــــدان ونطرد فلول النظام الجبــــــــــــــــان
واسمى واسمك هايفضل هنــــــــــــــاك مُسجل بأيدنا فى كتاب الخلــــــــــــود
ميدان التحرير
