فيسبوك
واتساب
هما غارو فى النهاية
وإحنا لسة زى ما إحنا
مش عارفين منين البداية
ناس تعارض وناس تشرع
وتاهت معالم أصل الحكاية
الحكاية ثورة على ظالم
كان شغال فينا بحكم أيه
والنهاردة اللى بيتكلم
هوهو بس لابس عباية
قالو رأيهم عن الرياسة
وفجأة عملوا لها دعاية
وعملوا للدستور لجنة تأسيسية
وقالوا هى دى بدايه طريق الهداية
وناس فاكرة إن الثورة قامت
علشان حكم يسمعوه كله وصاية
وشباب ساب الميادين
وقوفهم قوة فى تثبيت الراية
النهارده الكل بينادى برأيه
ولو طريقه مليان بالضحايا
شفنا حرايق قامت فى كل حى
قالوا عليها ده شغل نكاية
وأزمات فى جاز وبنزين
حتى الأنابيب بقيت للدعاية
وناس ف شوارع وع الكبارى
قاطعين طريق شباب جنب الصبايا
وبرامج مع أشخاص شغالة
ف حوارات بعيدة عن الحكاية
ارحمونا ويلا نغير نفوسنا
دا مصر هتفضل بلدنا حتى النهاية
مجلس الشعب
