تعالو نتكلم بصراحة.. كل شيف وليه نفس فى الأكل وكل شيف وليه سر مفيش غيره يعرفه وكل شيف محترف هو بس اللى بيقدر يقدم كل آلالات بمختلف الأنواع ويقدر يخليك تاكل أكل أنت مش بتحبه بمجرد أنه عملها بس بطريقة مختلفة هتكلها وكمان هتحبها للأنها مختلفة.. والمطبخ السياسى ليه كذا شيف محترف ويعرف إزاى يخلى الناس تقتنع بمجرد أنه يقدم أفكار مغلفة بطريقة شيك تزغلل عنيك وتكلها وأنت فرحان بيها وده الحال اللى وصلنا ليه.
كل مرشح بيقدم برنامج وكلام معسول وبيقدر يجمع جموع من الناس تأييده وتدافع عنه باستماتة فى كل مكان.. يا ترى الناس تعرف يعنى إيه المطبخ السياسى؟!! سؤال كبير... أكبر من أى خبر بيتذاع أو ينتشر فى جريدة أو حتى إشاعة تنتشر ونصدقها... والمطبخ السياسى فيه كل شىء يقدر يغيير طعم أى شىء ويجمله ويخليه ذات طعم ورائحة تخلى ريقك يجرى.. ووصل بينا الحال إلى التورتة الكبيرة اللى تعتبر مدمرة وهاشة من جوه والكل بيحاول يجمل فيها ويديها طعم وشكل عشان يفوز بيها وأكيد ومؤكد إن صاحب أجمل وأطعم طريقة وشكل هوه اللى هيفوز ويأكلنا أجمل تورتة وهنا مش هيفضل غير سؤال واحد لكل الناس
إيه سر الطبخة؟
مع إن طول عمرنا كنا بناكل ومش بنسال أكلنا كتير بدون سؤال، لان كنا جعانين ومش قدرين نمييز الطعم أو الريحة لأن أجمل أكل تاكله وأنت جعان !
ومش هقول شبعنا بس بقى لينا حق الاختيار وعلى رأى مثل قديم "عيز تحيرة خيرة"، وكلنا عنينا على شكل التورتة لكن نسينا المضمون رغم أن كل شيف بيقدم كل المقادير مكشوفة ومعروفة لكل الناس بس بيحتفظ لنفسة بس بسر الطبخة.
والمطلوب مننا إننا نختار.... أقصد نحتار
واللى أقصده من مجمل كلامى أن مهما عرفنا ومهما اكتشفنا ومهما بقى عندنا خلفية سياسية مش هنقدر نوصل لقلب المطبخ السياسى والعابة، لأن من قديم الزمن لغاية يومنا محدش بيقدر يعرف اكتر من اللى الحكومات عايزة تعرفة للناس فى أى شكل من الأشكال ومش فارقة بقى إزاى يطلع المهم الناس تنشغل بية عنهم وعن قلب مطبخهم.. قلب الأسرار.
انتخابات
مشاركة
اضف تعليقاً واقرأ تعليقات القراء
مشاركة
